Энциклопедия юридическая в 15 томах. Том 12 (С–Т)

«И ныне и присно и во веки веком аминь». Ведомо же буди, яко по апостольском 49 правиле измещется священник крестивый сице рек: «Крестится раб божий, имярек. Во имя Отца и Сына и святаго Духа ныне и присно и во веки веком аминь». И тако погрузив крещаемаго, и паки тоже слово рек и паки погрузив. И паки тоже слово третием рек и паки погрузив. Крестит бо рече в три безначальныя и в три сыны и в три утешителя – в 9 лиц. Такоже измещется по 8 правиле и рекий все тожде слово и погрузив крещаемаго единощи, яко не славя воскресения. Но сице подобает крестити. Прием священник рукама крещаемаго и глаголет: «Крещается раб божий, имярек. Во имя Отца, аминь». И низводит его и возводит. «И Сына, аминь». Низводит и возводит. «И святаго Духа. Ныне и присно и во веки веком, аминь». И паки погружает его. И тако бы крестити в три лица божествена. В тридневное воскресение христово треми погруженми, и посем мажет его великим миром и облачит его во вся новая, прежде едав его на руки приемнику. И поет священник с людьми: «Блажени, имже отпустишася беззакония, и имже прикрышася греси» и прочая по уставу. А кум был бы один любо мужеский пол, а любо женский, а по два бы кума и мнози кумове не были, как у вас преже сего было.

О ОБРУЧЕНИИ И О ВЕНЧАНИИ ОТВЕТ. ГЛАВА 18

А обручение бы и венч ние было по божестве ному уставу все сполна во всем священническом чину. И венчали бы после обедни, а ночи бы не венчали. А венчали бы отрока пятинадесяти лет, а отроковицу двунадесяти лет по священным правилом. А меньши бы отрока пятинадесяти лет не венчали. И потом бы новобрачных поучали от божественнаго писания, како подобает православным по закону жити и прочая.

ЧИН И УКАЗ.

АЩЕ БУДЕТ ПОНЯТИ ВДОВЦУ ДЕВИЦА ИЛИ ЗА ЮНОШУ

ИДЕТ ВДОВИЦА. ГЛАВА 19

Пришедшим сим по литоргии в церковь и станут на месте пред святыми дверями. Священнику же наченшу во всем сану: «Благословен бог наш», таже все по ряду венчание. Именует напредь первобрачнаго имя и потом двоебрачнаго или есть мужеский пол или женский. И по скончании всего глаголет молитву о двоеженце. Аще ли случится и треженец быти един от них, в той молитве применяет глаголя: «К третьему совокуплению», и не глаголет «браку», понеже нужа ради телесныя се бывает. Таже отпуст. Аще ли есть в неделю глаголется воскрес из мертвых Христос истинный бог наш молитвами пречистыя его матери, и святаго егоже есть храм, и егоже есть день, и всех святых помилует и спасет нас, яко благий человеколюбец.

ИССЛЕДОВАНИЕ ИНО. ГЛАВА 20

Како подобает благословити и совокупити мужеского полу и женскаго обоим сущим во вдовстве. Двоеженец и понужи троеженец введены будут сии в церковь, и возложив поп на себя патрахель и фелонь, такоже глаголет: «Благословен бог наш». Таже «Святый боже» трижды, «Слава и ныне», «Пресвятая Троице», «Господи помилуй» трижды, «Слава и ныне», «Отче наш». Священник: «Яко твое есть царство». Таже тропарь и кондак дню. «Слава и ныне», «Богородичен». Диакон: «Господу помолимся». Священник глаголет молитву сию: «Господи боже наш, иже Авраама друга назвав, и Исаака возлюбив, и Якова к жене Лии совокупив, устроивше того и второму ложу Рахилину приобщитися, сам ныне благослови рабы своя сия, имярек. Освяти иже ко второму браку, или третьему, приходящая, ради естественного искушения и еже ко юности прилучшагося вдовства. Ты бо хотя немощи нашей Павлом сосудом избрания твоего законоположив, лучше быти телесного разжежения, еже Господи брака, немятежен тех живот соблюди, целомудренно тем пожити благоволи в повелении твоих бдящих отпряженъя соуза, яко твоя держава и твое есть царство и сила и слава Отца и Сына и святаго Духа ныне и присно и во веки веков аминь». Апостол в среду 17 недели зачало. Ко Ефесеом: «Братие мужие, любите своя жены, яко и Христос возлюби церковь и предася сам за ню, да ю освятит, очистив банею водною словом, да ю поставит себе славну церковь неимущу скверны ни клосни ни иного таковаго, но да будет свята и непорочна. Тако суть должни мужи любити своя жены, аки своя телеса: любяй свою жену, себе любит – никтоже бо никогда же своея плоти ненавидит, но кормит ю и греет. Якоже и Христос церкви, удове есмы телеси его и от плоти его и от телесе его и от кости его. Сего ради оставит человек отца и матерь и прилепится жене своей и будета в плоть едину. Тайна сия велика есть. Аз же глаголю во Исусову церковь: Обаче и вы поединому кождо свою жену тако да любит». И посем ектенья, «Помилуй нас боже», таже поминает царя и святителя и поимающихся, таже и отпуст, Христос истинный бог наш молитвами пречистыя его матери, и святого егоже есть храм, и егоже есть день, и всех святых помилует и спасет нас, яко благий человеколюбец.

О ВТОРОМ БРАЦЕ. ИЖЕ ВО СВЯТЫХ ОТЦА НАШЕГО НИКИФОРА КОНСТАНТИНА ГРАДА ИСПОВЕДНИКА. ГЛАВА 21

Правило о церковных его сочинениях, иже с ним святых отец правило второе. Двоеженец не венчается, но и запрещение приемлет не причастится святых тайн два лета, а треженец 5 лет.

О ТОМ ЖЕ НИКИТЫ БЛАЖЕННАГО МИТРОПОЛИТА ИРАКЛИИСКОГО ОТВЕТЫ К НЕКОМУ КОНСТАНТИНУ ЕПИСКОПУ. О НИХ ЖЕ ВОПРОШЕН БЫСТЬ. О ДВОЕЖЕНЦЕХ ЗАПРЕЩЕНИЕ. ГЛАВА 22

Опасенъе, убо двоеженца не обычно венчати. Великая же церкви обычая сицева не разсмотряет, но и на джвоеженцы не-вестныя венцы возлаг ет, и никтоже от сего, когда обвиновен бысть, обаче едино или две лете причащения отлучает их, но и венчавшаго презвитера с ними вечеряти не попусти. По седмому правилу иже в Неокесарии сбора.

О ВТОРОМ ЖЕ БРАКУ И О ТРЕЖЕНЦEX. ГЛАВА 23

А второму браку венчания несть, но токмо молитва по правилом, и третьему молитва под запрещением по священным правилом. Второму – 2 лета епитемьи, аще будет млад, то едино лето. А тертьему пять лет от общения и ото всякия святыни. А четвертый бы брак от вас никогда же не именовался, четвертый же брак и законниц правила возбраняют, блудяй убо себе единому неправду сию имеет. А иже четвертаго брака яко рекше себе смесив поругается, убо сим возбраняющим божественным и священным правилом, он убо который разрушает божественных и священных правил, каковое имеет благочестие и каковый ответ ждет на страшном суде, той убо и сам себе отлучи от славы божия. Богословию же тезоименитый великий Григорий: первый, рече, брак-закон, вторый-прощение, третий-законопреступление, четвертый-нечестие, понеже свинское есть житие. Премудрый же цар Лев и к четвертому браку совокупился бяше. И во отлучение впаде от Николы патриарха. Ему же много моляшеся царь, еже разрешит его от таковаго связания. Якоже он неумолен бысть, от церкви его изгна и в него место паки Евфимия мужа освященна постави на патрияршество. И сему много молящеся, еже разрешити его от таковаго связания, и не токмо разреши его, но отвержена и непрощена сотвори ради четвертого браку со множайшими святытельми возбранив ему.

О ЧЕТВЕРТОМ ЖЕ ОТРЕЧЕННОМ БРАКУ

И О ТРЕТИЕМ. ГЛАВА 24

По великого же убо Василия слову, аще муж имет жити с четвертою женою или жена за четвертым мужем, тех божественая правила отлучают во церковь не входи и 4 лета. По четвертом же лете входит во церковь, божественаго же причащения не приемлет до 10 лет ни доры ни богородична хлеба. Т реженцы же низвержающихся, якоже скверны церковныя, бывше, даже до пяти лет не причастным были повелевает. Летом сим мимошедшим и паки единою в лете к причащению божественному приходит в честного и спасительного дни пасхи. В великий же тот пост преже того великого дни да предочищают себе, елика их сила есть. Аще ли духовник видит, тот человека запрещением обязанного пекущася о согрешении том вельми и плачущася и рыдающа и во унынии ходяща сердечнем, причащает паки того на третье лето причтавшагося к третьему браку. Который же священник, смея здеяти паче заповеданнаго времени таковых причащения божественаго сподобити, о своем степени постражет. Но паки к третьему поиманию, аще хотят кто совокупитися и аще будет добре млад, детей не будет от него ни от первого брака ни от втораго, тому надобе разсужение со опитемью великою, едва совокупитися к третьему браку. А которые простые люди имут пити до обеда, и вы таким возбраняйте. И просвиры и богородична хлебца не давайте дондеже исправятся. Да и сами бы есте священницы не отправив правила ранняго пития и ядения не вподобно время никакоже касалися, да не от вас будет соблазн миру. Аще простец согрешит, то един о себе ответ даст. А иерей согрешит, то о мнозех ответ дати. И вы бы боялися священных правил тягости, да не от вас самех мнозем простым человеком протыкание и соблазн будет. Якоже рече писание: «Смущаяй грех, да понесет…» и прочая.

О ДЬЯЦЕХ ХОТЯЩИХ ВО ДЬЯКОНЫ

И В ПОПЫ СТАВИТИС Я. ГЛАВА 25

О ставленикех хотящих во дьяконы и в попы ставитися, а грамоте мало умеют. И святителем их поставили ино сопротивно священным правилом. А не поставити, ино святыя церкви без пения будут, а православные хрестъяне учнут без покаяния умирати. И святителем избирати по священным правилом в попы, ставити 30 лет, а в диаконы 25 лет. А грамоте бы умели, чтобы могли церковь божию содержати и детей своих духовных, православных хрестьян, управити могли по священным правилом, да о том их святители истязуют с великим запрещением, почему мало умеют грамоте. И они ответ чинят: «Мы, де, учимся у своих отцов или у своих мастеров, а инде нам учитися негде. Сколько отцы наши и мастеры умеют, потому и нас учат». А отцы их и мастеры их и сами потому ж мало умеют и силы в божественном писании не знают, а учитися им негде. А преже всего в росийском царствии на Москве и в великом Новегороде и по иным городом многия училища бывали, грамоте и писати и пети и чести учили. И потому тогда грамоте и писати и пети и чести гораздых много было. Но певцы и четцы и добры писцы славны были по всей земли и до днесь.

О УЧИЛИЩАХ КНИЖНЫХ

ПО ВСЕМ ГРАДОМ. ГЛАВА 26

И мы о том по царскому совету соборне уложили, в царствующем граде Москве и по всем градом тем же протопопом и старейшим священником и со всеми священники и дьяконы кийждо во своем граде, по благословению своего святителя избрати добрых духовных священников и дьяконов и дьяков женатых и благочестивых, имущих в сердцы страх божий, могущих и иных пользовати, и грамоте бы и чести и писати горазди. И у тех священников и у дьяконов и у дьяков учинити в домех училища, чтобы священницы и дьяконы и все православные хрестъяне в коемждо граде предавали им своих детей на учение грамоте и на учение книжного писма и церковного петия псалтырного и чтения налойнаго. И те бы священники и дьяконы и дьяки избранные учили своих учеников страху божию и грамоте и писати и пети и чести со всяким духовным наказанием, наипаче же всего учеников бы своих брегли и хранили во всякой чистоте и блюли их ото всякого растления, наипаче же от скверного содомского греха и рукоблудия и ото всякия нечистоты, чтобы им вашим брожением и поучением, пришед в возраст достойным быти священнического чину. Да учеников же бы есте своих во святых церквах божиих наказывали и учили страху божию и всякому благочинию псалмопению и чтению и пению и канарханию по церковному чину. А учили бы есте своих учеников грамоте довольно, сколько сами умеете. И силу бы им в писании сказывали по данному вам от бога таланту ничтоже скрывающе, чтобы ученицы ваши все книги учили, которые соборная святая церковь приемлет, чтобы потом и впредь могли не токмо себе, но и протчих пользовати и учити страху божию о всех полезных, также бы учили своих учеников чести и пети и писати, сколько сами оне умеют, ничтоже скрывающе, но от бога мзды ожидающе, а и зде от их родителей дары и почести приемлюще по их достоинству.

О СВЯТЫХ ИКОНАХ И О ИСПРАВЛЕНИИ КНИЖНОМ. ГЛАВА 27

Да протопопом же и старейшим священником и избранным священником со всеми священники к коемждо граде во всех святых церквах дозирати святых икон и священных сосудов и всякого церковнаго чину служебнаго и на престолех святых антимисов дозирати и священных книг святых евангелей и апостол и прочих святых книг, ихже соборная церкви приемлет. И которые будут святыя иконы состарелися, и им те велети иконником починивати. А которые будут мало олифены, и оне б те иконы велели олифити. А которые будут святыя книги евангелие и апостолы и псалтыри и прочая книти, в коейждо церкви обрящете, неправлены и описливы, и вы бы те все святыя книги с добрых переводов справливали соборне, занеже священныя правила о том запрещают и не повелевают неправленых книг в церковь вносити, ииже по них пети.

О КНИЖНЫХ ПИСЦЕХ. ГЛАВА 28

Также которые писцы по городом книги пишут, и вы бы им велели писати с добрых переводов. Да написав правили, потом же бы и продавали, а не правив бы книг не продавали. А которой писец написав книгу продаст не исправив, и вы бы тем возбраняли с великим запрещением. А кто у него неисправлену книгу купит и вы бы тем потому же возбраняли с великим запрещением, чтобы впредь тако не творили. А впред таковии обличени будут продавец и купец, и вы бы у них те книги имали даром безо всякаго зазору, да, исправив, отдавали в церкви, которые будут книгами скудны. Да видя таковая вашим брожением, и прочие страх приимут, и вы бы о всех о тех предиреченных церковных чинех и о честных иконах и о святых книгах и о всем о том потщалися совершити и исправили, елика ваша сила. И за то от Господа бога великому мзду восприимете, и от благочестивого царя хвалу и честь, и от нашего смирения соборное благословение, а ото всего народа благодарение и хваление за ваши священнически я труды и подвиги. И аще сия со благодарением и хотением сердечным исправити потщитеся, то с радостию ожидайте сугубы мзды от бога и царства небесного по реченному Христову словеси: добрый мой рабе благий и верный мале бысть верен надо многими тя поставлю. Вниди в радость Господа своего и прочее и сия убо дозде священству вашему написахом.

О ВСЕХ ПРОТОПОПЕХ И О СОБОРНЫХИ О РУЖНЫХ И О ПРЕДЕЛЬНЫХ СВЯЩЕННИКЕХ И ДЬЯКОНЕХ. ГЛАВА 29

Во всех святых соборных церквах по всем градом протопопом и священником дьяконом соборным и придельным и ружным попом и диаконом, так же бы по всем святым соборным церквам и в приходех по градом и по селом, здесе в царствующем граде Москве и по всем градом росийского царствия, чтобы о всех о тех церковных чинех брегли протопопы, чтобы соборные священники и дьяконы и придельные и ружные священники к церквам божиим на всяк день приходили ко всякому божественному правилу и стояли бы на божественном правиле со благоговением и со страхом божиим. А протопопов бы чтили и слушали и повиновалися им о бозе во всем безо всякаго прекословия, и брегли бы о всех о тех предиреченных церковных чинех заодин, чтобы божественное правило во всех святых соборных церквах и ружных и предельных сполна было по божественному уставу и по преданию святых апостол и святых отец чинно и безмятежно. А которые соборные священники и ружные и предельные священники и дьяконы не учнут протопопов слушати, а учнут упиватися в пьянство и о церковном пении небречи, и протопопом таких соборне наказывати, чтобы в пьянство не упивалися и к церквам божиим ходили, и на божественном пении чинно стояли со всяцем духовным вниманием, а не билися и не лаялися, и не сквернословили и пияни бы в церковь и во святый олтарь не входили, и кровопролития не билися, занеже священныя правила апостольския и отеческия таких всех безчинников отлучают, а биющихся и кровь проливающих не токмо отлучают, но и конечному извержению предают. Якоже пишут во своих правилех: аще кий епископ или презвитер или дьякон бьет верного или неверного, да извержется. Такоже: аще кий епископ или презвитер или дьякон упивается, или престанет, или да отлучится. И вы бы священных правил боялися, пребывали бы есте во всяком благоговении священническом, да не от вас будет соблазн или смущение мирским человеком. Евангельскому Христову словеси: горе миру от соблазн. И паки рече: смущаяй грех да понесет и прочее. А которые священники и дьяконы по первом и втором наказании протопоповем соборном учнут прекословити и не повиноватися и о церковном чину не учнут бречи, и протопопом о таких безчинникех святителем возвещати, и тем попом и дьяконом от святителей быти в духовном запрещении и от церкви во отлучении по священным правилом. О протопопех. Также и протопопы, которые по соборным церквам сами учнут упиватися или безчинствовати и небречи о соборном церковном чину. И соборным священником о тех протопопех святителем возвещати и тем протопопом святителей потому ж быти в великом запрещении и в конечном отлучении по божественным же и священным правилом.

О РУЖНЫХ ПОПЕХ И ДЬЯКОНЕХ. ГЛАВА 30

А ружные бы и придельные священники и дьяконы, которым идет царская руга, хлеб и денги, и за столы ходят ясти и пити, и молебные и понахидные денги емлют, и те бы все священники и дьяконы по своим церквам и по пределом по вся дни часы и вечерни, и понахиды, и павечерницы, и полунощницы, и заутрени, и молебны пели сполна по уставу и по преданию святых апостол и святых отец. А обедни бы служили по своим церквам во всякую неделю за здравие, а в суботу за упокой, да и по владычним праздником, да и на похрестья бы и к молебном ходили с соборными священники вместе, якоже, и прочия священники и дьяконы, и молили бы бога по церковному чину за благочастиваго царя и за всех православных крестьян. А которые ружные и предельные священники и дьяконы не учнут бречи о святых церквах и о божественном правиле по уставу и по преданию святых апостол и святых отец или на похрестие и к молебном не учнут ходити с прочими соборными священники, и тем от святителей по первом и втором наказании быти во отлучении по священным правилом а от царя лишенным быти руги и милостыни и на их место иных попов и Дьяконов посылати.

О КРЕСТНОМ ЗНАМЕНИИ, КАКО ПОДОБАЕТ АРХИЕРЕОМ И ИЕРЕОМ РУКОЮ БЛАГОСЛОВЛЯТИ И ЗНАМЕНОВАТИСЯ. И ПРОЧИМ ПРАВОСЛАВНЫМ КРЕСТЬЯНОМ ЗНАМЕНОВАТИСЯИ ПОКЛАНЯТИСЯ. ГЛАВА 31

Такоже бы священныя протопопы и священники и дьяконы на себе воображали крестное знамение крестообразно и по чину. И благословляли бы протопопы и священники православных крестьян крестообразно же, якоже предаша святии отцы. Так же бы и детей своих и всех православных крестьян поучали и наказывали, чтобы себя огражали крестным знамением по чину и знаменовалися крестообразно. Правую бы руку, сииречь десницу, уставливали по крестному воображению: большей палец да два нижний перста воедино совокупив, а верхний перст с середним совокупив, простер и мало нагнув. Тако благословити святителем и иереом, и на себя крестное знамение рукою возлагати двема персты, якоже предаша святия отцы воображати крестное знамение. Первое возлагати на чело, таже на перси, сииречь на сердце, и потом на правое плечо, таже на левое плечо, то есть истинное воображение крестного знамения. И потом покланятися душою и телом, умом и сердцем, и всем помышлением пречистому образу и животворящему кресту господа бога и Спаса нашего Исуса Христа и пречистой Богородицы, и небесным силам, и великому во пророцех Иванну предтече, и святым апостолом, и великим чюдотворцом, и всем святым на святых иконах воображенных и написанных, и святым церквам, и святому евангелию, и прочим святыням поклонятися. Якоже предаша нам самовидцы и слуги божия слова святии апостоли и святии отцы, такоже подобает и всем православным крестьянам руку уставляти и двема персты крестное знамение на лице своем воображати и покланятися, якоже и преди рехом. Ащели кто двема персты не благословляет, якоже и Христос, или не воображает крестного знамения, да будет проклят, святии отцы рекоша. Прочее же о крестном знамении известно и достохвалъно списани преподобных отец наших Мелетия и Феодорита, сице возвещают с прочим толкованием, како рукою благословляти и креститися всем православным. Иже кто не знаменуется двема персты, якоже и Христос, да есть проклят. Креститися и благословити два долныя, а третий верхний к долнима перстома. Тоже согбение персту толкует: преклонъ бо небеса и сниде нашего ради спасения, а два верхние сими же двема благословити в божество и в человечество креститися подобает и благословити. Персты три совокупити низу, а два верхний купно – теми благословити и креститися в божество и в человечество. Так же и Мелетий севастийский и Феодорит научают нас, и инде речено бысть. Мелетий сей, севастийский епископ, житием и словом славен зело. Безчиния же ради сущих под руку его отрекся епискупъи и бысть в безмолвии. Тогда еретицы, мневше яко мудрствует с ними Мелетий, просиша его у царя. До будет патриярх, еже и бысть. И посем вывшу собору о вере единосущества и арияном инако глаголющим, Мелетий же божественного правила показа явление. Людем же просящим скорое учение от бога показати, он же показа персты той во Отец и Сын и святый Дух, и не бысть знамения. По сем же Мелетий два совокупль, а три пригну и благослови люди. И изыде от него яко огнь молнии, достохвальный он испусти глас. Трие убо разумеем о едином же беседуем, и тако посрами еретики. И посем в Константин град прииде, от великого царя Феодосия зело почтен бысть святый. Сице благословити рукою и креститися. Три персты равны имети вкупе по образу троическому: бог Отец, бог Сын, бог святый Дух. Не три бози, но един бог в троицы. Имены разделяется, а божество едино. Отеу, нерожен, а Сын рожен, а не создан. Дух святый ни рожен ни создан, но исходя. Т рие во едином божестве: едина сила, едина божеству честь, един поклон от всея твари ото ангел и человек. Тако и тем трем перстом указ. Два перста имети наклонена, а не простерта, а тем указ тако: то образует две естестве божество и человечество. Бог по божеству, а человек по вочеловечению, а во обоем совершен. Вышний перст образует божество, а нижний человечество, понеже сошед от вышних спасе нижняя. Тоже гбение персту толкует: преклонъ бо небеса и сниде нашего ради спасения, да тако достоит креститися и благословити. Тако святыми отцы указано и узаконено.

О КРЕСТЯЩИХСЯ НЕ ПО ЧИНУ. ГЛАВА 32

Мнози неразумнии человецы, махающе рукою по лицу своему, творят крестящеся, а всуе тружающеся. Т ому бо маханию беси радуются. А тако есть право креститится. Первое положити руку на челе своем, потом на персех, таже на правом плече, потом на левом, то есть истинное воображение крестному знамению, аще кто право крещает лице свое сим знамением, той никогда же не убоится дьявола ни злаго супостата и от бога мзду приимет за то, аще кто и единова прекрестит лице свое и по истине право крестится. Аще ли кто леностию или невежествием не исправляет креста на лице своем, той отмещется креста Христова и предается дьяволу. И аще кто наставник будет и научит неразумных, а они приемлют с радостию, то от Господа сугубу мзду восприимет за то. А кто не внимает, ни послушает благаго наказания, да будет отлучен. И о тех и о всех предиреченных церковных испрвлениях священным протопопом и всем священником по священным правилом бречи накрепко. И о всем самем жити со благоговением и с постом и молитвами и по чину священническому и в прочих добродетелех. И детей своих духовных, православных крестьян, учити закону и страху божию и исправляти по священным правилом, како им подобает жити в чистоте и в покаянии, со благоговением и в посте, и в молитвах, и в братолюбии, мирно и любовь между собою имущи, и приходящая святыя посты прилежно и честно с постом и молитвами и со многим воздержанием провожати и держати честно, и по вся дни ко святым божиим церквам и ко всякому соборному пению приходили бы, и стояли бы на молитве со благоговением и со страхом божиим, и брегли бы о всем благоговейнстве церковном, чтобы по всем церквам соборным и несоборным церковный чин о всем шел по уставу и по преданию святых апостол и святых отец. А от пъянственнаго бы безмерного пития священныя протопопы и священники и дьяконы воз-держалися и в пьянство бы в конец не упивалися, да и детей своих духовных наказывали, чтобы в пьянство не упивалися нигде же, бо несть писано, что не пити вина, не буди нам таковая мудрствовати ниже запрещати, но сам бог созда и повеле пити вино в веселие и, а не во пьянство. Также и ясти не во объядение, но в сытость и в славу божию. Также святии апостоли и святии отцы уставиша и заповедаша ясти и пити в славу божию, а от упивания в пьянство и от объядения вельми запретиша и под запрещением учиниша не токмо священным, но и простым, по реченному во святом евангелии, якоже сам Христос отрече: «Да не отягчают сердца ваша объядением и пьянством и печальми житейскими». Такоже и божественный Павел отрече: «Братие, не упивайтеся вином, в немже несть спасения, но паче блуд». И паки рече. «Пьяницы и блудницы царства небеснаго не наследят». И много о том упивании в пьянство в божественном писании отречено быстъ. Якоже и божественный апостол Павел, паки собрав отрече: «Не прелъщайтеся ни блудницы, ни прелюбодеи, ни мужеложницы, ни скотоложники, ни рукоблудники, ни лихоимцы, ни хищницы, ни чародеи, ни пияницы, ни татие. Все таковии царства небеснаго не наследят».