Бақытты болуды үйреніңіз! 3 Бөлім

Қателіктер мен күнәлар

Қателіктер мен күнәларды жасаудан қорқасыз ба? Көптеген адамдар қателіктер жіберуден қорқады, кейде адамдар ғана емес, сонымен қатар бүкіл үкіметтер. Бірде Мен Уганда Үкіметінің ауа-райы болжамын радио арқылы таратуға тыйым салғанын оқыдым. Байырғы жергілікті тұрғындар метеорологиялық есептерді, мәліметтерді үкімет қаулылары, жарлықтары деп қателесіп және ауа райына толық бағынып, табынып кеткен. Болжам (ауа-райы) дәл емес, қате болып шыққан кезде, олар ауа-райын да айыптайтын, үкіметті де айыптайтын, және соның кесірінен халық радиода айтылғанның бәріне сенуді тоқтатты. Олар айтатын, бұл үкіметтің бәрі өтірік, ауа райы болжамы сияқты.

Уганда үкіметі бұл жағдайдан шығудың оңай жолын тапты. Олар жай ғана ауа-райы болжамын радио арқылы жіберуге тыйым салды. Бірақ мен бұл шынымен дұрыс және әділ шешім болғанына күмәнім бар. Ал сіз қалай ойлайсыз? Дегенмен бұл Уганда үкіметінің жіберген қателігі еді…

Біз қателіктер жібергендіктен немесе жіберу мүмкін болғандықтан әрекетті тоқтатудың мәні неде немесе күнә жасап қойғаннан өзіңді, өмірді жек көрудің мәні неде? Біз ештеңеге қол жеткізе алмас едік, егер біз әр бастаған істі тоқтата беретін болсақ, кем дегенде бір рет қате жіберсек те, солай емес пе? Біз өзімізді, өмірді сүюді үйренбес едік, егер де күнәдан кейінгі сабақты алып, сынаққа тап болмасақ, солай емес пе? Әрине бұның бәрін болдырмауға болады, бұл ең дұрыс жол. Бірақ бұл мүмкін бе?

Кішкентай бала кезіңізде сіз бірінші рет сүрініп, еденге құлап, «бұл толық сәтсіздік» деп ойладыңыз делік. Ештеңе етпейді». Мүмкін сіз сүрінбесеңіз жүруді ешқашан үйренбеген болар ма едіңіз. Қарапайым арифметикалық (математиканың сандарды зерттейтін саласы) мысалда алғашқы қателікті жібергеннен кейін сіз арифметиканы толығымен тастайсыз делік, онда сіз ешқашан ақшаны санауды, дүкендерден заттарды сатып алуды және т. б. үйренбейтін едіңіз.

Менің ойымша, қателесу қабілеті біздің өмірлік тәжірибеміздің маңызды бөлігі болып табылады және егер біз қателік жасаудан қорқатын болсақ және сол қорқыныштың кесірінен одан қашатын болсақ, онда біз біртіндеп өмірдегі барлық жақсы және пайдалы нәрселерден айырыламыз. Әрине, сіз бұл дәлелді абсурдқа (мағынасыз сандырақ) дейін жеткізе аласыз. Егер біз өз қателіктерімізден сабақ ала білетін болсақ, онда көп қателіктер жіберуден қорықпау керек, өйткені қателіктер неғұрлым көп болса, соғұрлым көп нәрсені үйренеміз. Мен мұндай дәлелді жалғастыруды, кеңес ретінде қабылдауды ұсынбаймын, мен жай ғана былай деймін: сіздің қателесуге құқығыңыз бар, қателік пен күнәсіз адам толық бақытты бола алмайды, бұны жоққа шығару – надандық.

Бұрын қандай қателіктер жасасаңыз да, олар сіздің тәжірибеңіздің маңызды бөлігіне айналды. Оларды миыңызды қозғау және өмірді қайтадан бастау мүмкіндігі ретінде пайдаланыңыз: бірінші рет сәтсіздікке ұшырағаныңыз үшін қалаған арман-мақсаттан бас тартпаңыз және бастағаныңызды тоқтатпаңыз, берілмеңіз. Сіздің өміріңіздегі кез-келген қателік сіздің қазіргі түсініңігіңізді қалыптастырды. Қателеріңізге батаңызды беріңіз, олар сізді адам қылды. Олардың тәлім-тәрбиесі үшін рахмет айтыңыз. Есіңізде болсын: қателік пен күнәнің басты мақсаты сіздің миыңызды қозғау және жаңа өмір бастауға тағы бір мүмкіндік беру.

Әрине, сіз менің кітабымды оқығаннан кейін де қателіктер жібересіз, бірақ сіз әрқайсысында үйренесіз, тәжірибе аласыз.

Пешенеге жазылған, қайтпайтын, тойтарылмас, жеңуге келмейтін қателіктер мен күнәлар болмайды, егер де сіз оларға өзіңіз ондай мүмкіндік бермесеңіз. Қайталана беретін қателіктер мен күнәлар болмайды, егер де сіз оған өзіңіз жол бермесеңіз. Сіз фатализмға (тағдырмен шешілгенге) құл болмайсыз, егер ақиқатқа сай өз тағдырыңызды өзіңіз жаза білсеңіз.

Сәттілік немесе сәтсіздік көрегендікке байланысты

Сіз өз ой-пікіріңіз бойынша әрекеттеріңізді сәтті немесе сәтсіз деп бағалайсыз ба? Менің ойымша, біздің өміріміздегі сәтсіздіктердің көпшілігі біздің өзімізге деген, дүниеге деген, басқа адамдарға деген, Жаратушыға деген көзқарастарымыз бен ой-пікіріміздің салдары. Адам, сәттілікке, табысқа жете алмайды, егер адам оған сенбесе және сенімді болмаса. Себебі, батылдық пен сенімге ие адамдар үшін, жол әрқашан ашық болып көрінеді. Бұл дегеніміз жеңіске, табысқа, сәттілікке деген дұрыс көзқарас пен ой-пікір, оның рухани күш-қуатын, ішкі үстемдік пен артықшылық сезімін арттырып, осы өмірде ғажайыптар мен кереметтер жасауына ықпал етеді. Егер сізде дұрыс көзқарас пен ой-пікір жоқ болса, онда неге оны дәл бүгіннен бастап қалыптастыруға кіріспеске?

Күрделі жүйемен қалыптасқан, біздің үнемі өзгеріп отыратын өмірде, айналамызда әрекет ететін әр түрлі сыртқы факторлар бар және біз кейде өмірімізді, жағдайымызды осы сыртқы факторлар басқарады деп айқайлағымыз келеді. Алайда ақиқатында, біз сол өмір мен жағдайды өзіміз ұнатып таңдаған едік, салдарынан біз таңдаған нәрсені ғана жасаймыз, себебі өмірдің бәрі таңдау, сәттілік пен сәтсіздікте. Егер біз белгілі бір жолды таңдағымыз келмесе де, ақыр соңында біз оны таңдаймыз, өйткені бұл бізге ең аз ішкі қарсылық көрсететін жол сияқты көрінеді. Біз оңай және жеңіл жолмен жүргіміз келеді, бірақ болашақта бұл бізге қолайсыздық пен қиындық тудыруы мүмкін екенін білсек те. Бізге әрдайым шешім қабылдау керек болады: іскерлік мәселелерде, отбасылық қатынастарда, күнделікті тұрмыс-тіршілік әрекетімен. Бізде әрқашан таңдау қажеттілігі бар, сондықтан да дұрыс таңдау жасай білу өте маңызды.

Бұл өте маңызды: кез-келген кедергіні жеңуге мүмкіндік беретін күш біздің ішімізде екенін түсінген кезде, біз көмекке шақыруды тоқтатамыз. Ішкі «Мен» – мен тыныш сөйлесе бастағанда (ішкі диалог), біз сол ақыл-ой күшінің (ментальды күш) ішкі ресурстарына (мидың азығы ақпарат) бейімделеміз. Бұл күштің құпиясы – мінез-құлқымызды түсіну, біздің ойлау ресурстарымызды (оның қаншалықты құлдық санамен шектелгенін сезіну, шекарасын кеңейту) көбейту. Біз кез-келген нәрсені жасауға, өзіміз қалаған нәрсеге қол жеткізуге, мүмкіндік беретін күш, біздің ішімізде екенін түсіне бастаған кезде ғана, өмірлік сәттілік бізге келеді, бұл біздің өміріміздегі басты жетістігіміз!

Менің ойымша, ұлы адамдар, тарихта қалған адамдар, өздерінің ішінде үлкен күш бар екеніне сенді және сол күш арқылы барлық кедергілер мен қиындықтарды жеңе білді. Бұл күш кез-келген жағдайдан да, ішкі немесе сыртқы факторладан да мықты. Одан асып түсетін күш жоқ және олар оны қолдана білді және дүниенің жеңімпазы атанды. Менің ойымша, бұл ішкі күшке сенбейтіндер, тек сыртқы күштерге сенетіндер бұл дүниеде бірде-бір үлкен іс жасай алмайды, жануар сияқты келіп, жануар сияқты кетеді.

Мен бұған сенген адамдарды, достары мен туыстары мазақ еткеніне сенімдімін, бәлкім аздап жынды деп ойлаған шығар. Олар мұны бос әурешілік, ақымақтық деп санап, ал өздері әдеттегі, күнделікті өмірдегі диірмен тастарына қайта оралып, өлгенше дейін соны айналдырып, ақыры шаршап, сәтсіздік сезімімен дос болып өмір сүрді. Бірақ олар, өздері бұны сезсе де, білсе де ешкімге білдірген жоқ, өйткені бұл ішкі әлемнің проблемасы. Олардың ойынша осы күнделікті күйбең, мақсатсыз әрекет, жоспарсыз қозқалыс өздерінің ішкі мазасыздығын, уайымын, қорқынышын, жалпы күйзелісін босатады және жеңілдетеді деп санады. Сіз осы адамдардың бірі болғыңыз келе ме немесе ішкі күшіңізді тыңдайсыз ба? Бұл қорқыту емес, ескерту!

Санаңыздың шығармашылық күшін қолдана бастаңыз. Форсайт (көрегендік қабілет) Күшін қолданыңыз, пайдаланыңыз, өйткені сіздің ойлауыңыз – бұл күшті (форсайт), жұмыс істетуге мәжбүр ететін жылдам ағын. Өзіңіздің ақыл-ой күштеріңізді әмбебап, бәрін сіз үшін жасап беретін бейсанамен байланыстырыңыз және сіз супер тұлғаға айналасыз. Тырысыңыз. Сіз өзіңіздің өміріңіздегі кез-келген проблеманы шешудің кілтін тапқаныңызды білетін боласыз. Қарапайым сөзбен айтқанда, бұл дегеніміз: егер сіз жасай аламын деп ойлауға жеткілікті көңіл бөлсеңіз, сіз ойлағанның бәрін жасай аласыз! Тағы да қайталауға рұқсат етіңіз: егер сіз жасай аламын деп ойлауға жеткілікті көңіл бөлсеңіз, сіз ойлағанның бәрін жасай аласыз. Кез-келген жағдайда сәттілік, жеңіс алдымен сіздің ойыңыздан басталады. Мақсат, шын өмірде орындалмай жатып, қиялында нақты, анық көре білу қабілеті барлық адамда бар, бірақ тек олардың оннан бірі ғана оны қолданады, пайдаланады, ал сіз сол қабілетті дамыта алсаңыз сіздің кез-келген мақсаттарыңыз орындалады және сіз оған оңай әрі жеңіл жете аласыз.

Жол саласыз ба әлде қабырғалар тұрғызасыз ба?

Сіз өзіңізді жол салушы немесе қабырға құрушы ретінде қарастырасыз ба? Біздің әрқайсымыз өмір бойы не жолдар саламыз не қабырғалар тұрғызамыз. Сіз өзіңізді қалай қабылдайсыз? Мен бір қысқа өлең таптым, онда бұл тақырыпты қарапайым және керемет түсіндіреді:

«Үлкен жолдарды Егемен Рим салған, Адамдарды байланыстыру үшін, Сонымен қатар қабырғалар тұрғызған, Ажыратып, бөліп, қорғау үшін, Ғасырлар бойы, адам құмарлығынан, Барлық қабырғалар құлады, Бірақ жолдар қалды.»

Сіз басқа адамдармен кездесіп, олармен ақыл-ой бөлісе алатын жолдар, қарым-қатынас жолдарын саласыз ба? Немесе сізді басқалардан бөлетін, ажырататын, қорғайтын ақылыңызда қабырғалар тұрғызасыз ба? Менің ойымша, қабырға құрылысына кететін барлық материалдар мен күш-жігер босқа шығын сияқты, бұның барлығы еңбек пен уақытты ысырап етеді, өйткені бұл қабырғалар бәрібір құлайды.

Ақиқат мынада, біз бүкіл адамзатпен рухани бірлікке ұмтылуы тиіс Жаратылыстармыз және басқа адамдардан бөліну, ажырау үшін салынған әлсіз қабырғалар ешқашан ұзақ тұрмайды. Бірақ жолдармен басқаша. Сізді адамдармен байланыстыратын жолдар саласыз ба? Дәл адам ағзасындағы екі жақты миға баратын артериялар сияқты, сіздің күнделікті іскерлік және рухани-әлеуметтік өміріңізге қажет. Сізде мұндай қарым-қатынас бар ма? Сіз адамдармен қаншалықты жиі сөйлесесіз? Менің айтарым рухани, отбасылық, туыстық байланыстар әдеттегі іскерлік байланыстардан жоғары.

Эмпатикалық тыңдау және эмпатикалық әдіс туралы естіп пе едіңіз? Эмпатияның тыныш бульварлары туралы естіп пе едіңіз? Сіз эмпат адам болғыңыз келе ме? Бұл эмпатия қабілетін дамытқан адам. Сіз Жүректен жүрекке жол саласыз ба, өзара түсіністік жолдары, бақытсыздық пен қайғыға деген жанашырлық жолдары. Сіздің рухани жағдайыңыз ынтымақтастықтан басталады ма? Сіз осындай көшелер немесе махаббат пен түсінудің тыныш аллеяларын (саяжолдарды) саласыз ба, хош иісті, ақ гүлді ағаш акацияларға (қарағандарға) толы? Оларды сөзбен көпіртудің қажеті жоқ. Олар күлімсіреу, жұбату және бұл көріністер ағаш жапырақтарымен жабылған: «Мен білемін. Мен бәрін түсінемін. Мен сені жақсы көремін». Мұндай көшелер мен аллеяларды тұрғызыңыз, өйткені олар мәңгі қалады. Оларды ештеңе жоя алмайды.

Бүгін біраз уақыт бөліп шешім қабылдаңыз: өзіңізді жақын адамдарыңыздан бөлу үшін энергия, ақыл-ой және рухани күш жұмсап, қабырғалар салғыңыз келе ме әлде бірлескен ойлаудың интеллектуалды артерияларын, эмпатияның кең бульварлары мен үнсіз рухани бірлік аллеяларын салғыңыз келе ме, соны шешіңіз. Не салу керектігін шешіп, сіз өзіңіздің өміріңіздің табиғатын анықтайсыз. Бұл сізді ішке кіргізбейтін қабырғалар әлемі немесе шексіз қуанышқа саяхаттауға болатын жолдар әлемі болуы мүмкін. Таңдау тек сізге байланысты.

Тағдыр кінәлі емес

Сіз өзіңізді бақытты санайсыз ба әлде бақытсыз санайсыз ба? Сіздің ойыңызша, сіздің өміріңізде сәттілік көп пе әлде сәтсіздік көп пе? Біздің орындалмаған үміттеріміз бен армандарымыз, сәтсіз үлкен жоспарларымыз туралы ойлаған кезде, адамдар көбінесе тағдыр немесе сәттілік не сәтсіздік деп аталатын нәрсені айыптайды. Бірақ бұл нонсенс (абсурд) емес пе? Кейбіреулер: «Бұл менің бақытты (немесе бақытсыз) жұлдызым» дейді, немесе «Бүгін мен үшін жаңа өмір, жаңа күн, жаңа Мен» керісінше «Тағы да мектеп не жұмыс не отбасы, қашан құтылады екенмін». Біз неге осылай айтамыз? Кемшіліктерімізді, қателіктерімізді, күнәларымызды өзімізден өзіміз жасыру үшін айтамыз. Өзімізді сөзбен алдағымыз келеді, бірақ шынында да біз қалаған өмір болып жатқан жоқ немесе болып жатыр бірақ бәрібір ішкі бостық сезімі, әрдайым бір нәрсе жетіспейтіндей. Есіңізде болсын: Біз санамыздың табиғатына (деңгейіне) байланысты сәттілікке жетеміз немесе сәтсіздікке ұшыраймыз.

Менің ойымша, Шекспир мұны «Юлий Цезарьда» өте жақсы айтқан, онда ол: «Кейде адамдар өз тағдырының қожайыны болады. Қателіктер үшін кінә, құрметті Брут, жұлдыздардан емес, тек бізден».

Біз түбінде өлеміз, бірақ шын мәнінде, біз өз тағдырымыздың қожайыны бола аламыз, егер біз өз ойымыз бен іс-әрекетімізді өміріміздің шығармашылық мақсатына бағындыра алсақ. Егер біз өз ойымызды мақсатымызға «байланыстыра» алсақ, онда біз өз тағдырымыздың шебері боламыз. Бірақ біздің көпшілігіміз өзіміздің ішкі жетекшімізге сенуге қаншалықты дайынбыз? Жоқ, біз өз пайымдауларымызға, ескі әдеттерімізге сүйенуді жөн көреміз және жағдай дұрыс болмаған кезде біз Құдайды, тағдырды, жұлдыздарды немесе біздің үмітіміз бен сенімімізді ақтамаған кез-келген нәрсені кінәлауға дайынбыз.

Егер өткендегі, біздің өткен шағымыздағы, барлық егжей-тегжейлерді көрсетуге болатын мүмкіндік болса, онда біз жақында қайда және қашан қателескенімізді көріп, дұрыс жолдан кейін дұрыс емес жұлдызға адасқан нүктені анықтай алар едік. Біз қай жерде түзетілмейтін қателік жібергенімізді көретін едік. Көрдіңіз бе, біз таңдау жасай алар едік. Ал ол таңдау бізде болды, бірақ ол уақытты қайта шегере алмаймыз, алайда біз өз өткен кеткеннің бәрін түзей аламыз, себебі бізде қазіргі сәт және болашақ бар.

Құдай бізге өмірді сый қылып берді әрі сынақ қылып берді, себебі ол бізге ерік бостандығын берді. Тек біз, жұмыр басты пенде, өмірімізді жақсартатын немесе бұзатын нәрсені өзіміз таңдаймыз. Біз кез-келген уақытта таңдауды өзгерте аламыз және жаңа өмір бастай аламыз. Жұлдыздарды, жалпы ешнарсені, ешкімді өз проблемаларыңыз үшін кінәламаңыз, өзіңізді «Ұлы Ақиқаттың» бейнесінде және ұқсастығында жаратылғаныңызды ұмытпаңыз, өзіңізді кінәлағыңыз келсе тек бір нәрсе үшін ғана кінәлаңыз, жұлдызға не басқа бір материяға құл ретінде әрекет еткеніңіз үшін ғана айыптаңыз.

Тек біздің қателіктеріміз бен сәтсіздіктеріміз ғана тағдырымызға бөгет жасайды және ешқандай жазмыш тағдыр жоқ, бізді қинауға немесе зиян келтіруге тырысатын. «Ұлы Ақиқат» бір нәрсені іздейді: біздің өмірімізде әлі де қалыптаспаған абсолютті игілікке (кіші жұмаққа) қосу. Бірақ мөрі басылған «Қасиетті Кітап» айтпақшы үлкен жұмақ (абсолютті тыныштық, тазалық, игілік, ізгілік мекені) бірінші өмірде орнамайды, дегенмен бұл оған ұмтылмау керек дегенді білдірмейді. Сондықтан Жаратушы бізді бірінші өмірде тозақтан (абсолютті тазарту және емдеу мекені) құтқарудың әр түрлі әдіс-тәсілдерін пайдаланады: аштық, соғыс, ауру, т. б. Тозақ деген сөзді ауыр сынақ деп қарастырыңыз. Жалпы барлық адам кіші немесе үлкен тозақтан өтпей үлкен жұмаққа оп-оңай еш қиындықсыз кіре салмайды, ол адам не дүниенің кіші тозағынан өтіп барып не ақыреттің үлкен тозағынан өтіп барып үлкен жұмаққа кіреді. Бұл дүниеде адамдар бақыт деп санап жүрген абстрактілі ұғымы – бұл кіші жұмақ, Киелі кітапта кіші жұмақ, яғни дүние жұмағы, үлкен жұмаққа еш татымайтындығы жайлы айтылады, дегенмен бірінші өмірдегі жалған бақыт пен екі өмірдегі мәңгілік шын бақытты айыра білу керек. Шын бақыт тек қана ақиқатқа негізделген. Ақиқат дегеніміз ерік-жігерге пайдалы білім мен дәлелді ғылым, санаға рухани сәуле және жүрекке иманның нұры.

Кез-келген жағдайда біз жақсылықтың элементтерін сақтаймыз, егер сіз жағдайыңыздың ақиқатын қабылдасаңыз, онда жазмыш тағдыр кенеттен артта қалып, екі өмірде де бәрі жақсы болатынын білесіз. Неліктен? Себебі біз өз жолымызды әрқашан дұрыс шешімге апаратын «Жалпыға Ортақ Ақыл» жолына қостық. Бізге қажет нәрсенің бәрі біздің бойымызда бар, бізге тек керегі – ақиқат нұсқаулығына ашық болу, жауап беру және қабылдауға дайын болу.

Сырттай әдемі дүние

Сізге әдемі қаптама (әр заттың сыртқы формасы) ұнайды ма? Біздің көпшілігімізге ұнайды. Мен сапар барысында, үлкен дүкенге барған кезде, әдемі қаптама туралы қызықты ой алдым. Мен өзіме керек тауарларды қарап жүргенмін, ал көрші сөреде бір ханым арнайы модный сабын іздеп жүр екен. Бұл мен әдеттегі пайдалану үшін сатып алатын сабын емес еді. Сабын мөлдір қағазға оралған, картон қорапқа салынған, жай емес жылтыр және тығыз бекітілген мөлдір қағазға оралған. Бұл кішкентай сабын қораптары үлкен картонға салынып, әдемі боялған мөлдір пленкамен жабылған. Мұның бәрін жасанды фиалка букетімен кішкентай қағаз лентасы ұстап тұрды. Үш дана сабынға арналған әсерлі пакет, сонда маған ой келді, оның мақсаты сіздің сыртыңызды таза ету ғана ғой. Содан кейін мен сатушының сатып алушыға сыпайы күлімсіреп, оған сұрақ қойғанын естіген кезде, бұл мені қатты сілкіндірді, мен қатты толқуды бастан өткердім. Ол: «Сатып алған заттарыңызды (бар-жоғы модный үш сабын) сыйлық сияқты әдемі қағазға орап берейін бе?» деді. Мен естігеніме сене алмадым. Шынымды айтайын, басында оны одан әрі қалай әдемілеуге болады деп сенбедім, басым жетпеді, бірақ сосын көзім жетті, ол дүкеннен не сатып алсаңыз да олар оны әдемі қаптамаға орап ауыздан су ағатын шедевр жасап береді екен.

Біздің өмірде де мұндай жағдайлар көп емес пе? Мысалы сабын, толығымен нормальный, пайдалы сабын, бірақ бірнеше рет әдемі оралған, сондықтан біз оның бастапқы мақсаты туралы түсініктен айырыла бастаймыз. Бұл қаптаманың бастапқы мақсаты – адамды жуынуға, киімді жууға болатын сабынмен қамтамасыз ету. Алайда, сабын бірнеше рет оралып, одан кейін тағы қайта оралып, нәтижесінде оның негізгі функциясы туралы түсінік жоғалып кетті. Біз өзіміздің тазалығымыздан гөрі қаптама, упаковкамен айналысатын сияқтымыз. Біз сабын іздегеннен гөрі әдемілік іздейтін сияқтымыз, бірақ бұның барлығы жалған, алдамшы сыртқы форма ғана, былайша айтқанда жарнама! Қазіргі кезде біздің дүние де жарнамаға айналып кетті, сыртқы форма, әдемі упаковка, мән-мағынасы жоқ, ең жаман салдары – көбісінің соңы азғырумен және алданумен аяқталады. Қазір (онлайн) интернет те толған жарнама, әлеуметтік желілер толған жарнама, (оффлайн) көшеге шықсаң жарнама жоқ жер таппайсың, тіпті үйлердің есігіне келіп қағазын қыстырып кетеді.

Біздің өмірде біз көбінесе тек сыртқы формамен, қаптамамен (упаковка), жарнамаға алданумен айналысамыз, дәл әдемі сыйлықтар сияқты бірнеше қабатқа оралған, соның салдарынан біз негізгі дүниенің рухани ішкі формасын, мән-мазмұнын, көзімізге ие болуды ұмытып бара жатырмыз.

Мен өмірдің мәні жайлы айтқым келеді. Біз өте жиі жұмыспен, дүние-мүлікпен, отбасымен, қаржы қуумен айналысамыз, тіпті бас көтере алмаймыз, шамадан тыс бұндай әрекеттерден біз шынайы өмірдің мәнінен айырыла бастаймыз. Күнделікті күйбең тірліктің астында, біз өмірдің шынайы көрінісін жоғалта бастаймыз. Сіз – өмірдің шынайы көрінісі болып табыласыз, сыртқы факторлар емес. Бұл сіздің «Әмбебап Ақылдың», Құдай күшінің шынайы көрінісі екеніңізді білдіреді. Қызылды-жасылды, жалт-жұлт, жарқ-жұрқ еткен дүниеге, өзіңізді орап тастауға, одан кейін тағы қайта орап тастауға жол бермеңіз, осылай сіз өмірдің мәнін жоғалтасыз және өзіңіз де осы негізгі «Өмірдің Мәні» атты концепцияны ұмытпаңыз. Осы негізгі тұжырымдаманы елемеуге жол бермеңіз. Сіз өзіңізді «Әмбебап Ақылдың» шынайы көрінісі екеніңізді түсінген кезде, сіз өзіңіз жазғыңыз келетін тағдыр бойынша өмір сүре бастайсыз және бұл өмір сіздің барлық қиялдарыңыздан асып түседі.

Есіңізде болсын: сіз тірісіз, дүние өлі, себебі ол түбінде күлге айналады, ал сіз мәңгілік өмір сүру үшін жаралғансыз.

Өткенді босату

Мен бір аңыз әңгіме жайлы айтып берейін, себебі оның шын болған, болмағанын ешкім білмейді. Бір кездері екі еркек, әйгілі немесе, дәлірек айтқанда, танымал кейіпкерлер болған. Бұл екеуі жақында жерленгендердің денелерін қазып, медициналық мектептерге сату арқылы жақсы ақша табуға болатындығын анықтап және де солай жасаған екен. Бұл көптеген жылдар бұрын болған делінген. Әрине, қорқынышты нәрсе, бірақ өзіңізден сұрап көріңізші: сіз кейде қабірлерден мәйіттерді ұрламайсыз ба? Мен сізді қорқытқым келмейді, мен сізді құрметтеймін, бірақ көпшілігіміз осындай әрекетті өзіміз білместен жасаймыз.

Егер де сізге, өткен, ескірген, қайғы-қасірет немесе күнә-қателіктер ойыңызға келгенде, сіз оларды қайта-қайта еске түсіре бергенде немесе одан да жаманы – олар туралы басқаларға айтқанда, сіз жай ғана ескі, өткен, өлген қабірді қазып жатырсыз.

Сіз өткен шақтан не күтетіндігіңізді жақсы білесіз, солай емес пе? Сіз сол арқылы өзімді түзеймін деп ойлайсыз, себебі әрдайым сіздің бейсанаңыз өткен шақты сізге еске түсіру арқылы сізді басқарғысы келеді.

Қазіргі уақытта, қазіргі сәтте өмір сүріңіз, тек қазіргі проблемаларға ғана назар аударыңыз, болашаққа жоспар құрыңыз және өткенді жалғыз тастап кетіңіз, ол сіздің балаңыз емес, бірақ сіз сонда да оны қимайсыз, қайтып орала бересіз. Жай қалдырыңыз. Өткен шаққа салқынқанды болыңыз.

Ұлы философтың: «өлгендерді өлгендер жерлесін», – деп айтқаны бар еді, мен оны бірден түсінбедім, біраз ойланғаннан кейін «өткен шақ» туралы айтып тұрғанын түсіндім. Өткенді ойлау және өткенмен өмір сүру өлімді білдіреді. Сіз өткен, кеткен туралы ойлай берген сайын, сіз уақыттың шектеулі екеніне сеніп қаласыз және уақытқа алданып қаласыз. Сіз осылайша өзіңізді қартайтасыз және әлсіретесіз, сіз өзіңіздің өліміңізді жақындатасыз.

Алла: «Егер де сенен (Мұхаммед а. с.) құлдарым Мен туралы сұраса, Мен оларға жақынмын.» деді, ал Құдай бізден жақсырақ біледі. Сондықтан өткенді босату үшін кімнен көмек сұрау керек екенін сіз жақсы білесіз деп ойлаймын.

Өзіңізге осы минутқа дейін болған оқиға туралы жаман естеліктерге оралмау ниетін ереже ретінде алыңыз және осы ережені ұстаныңыз. Зиратта ұрлықпен айналысу үшін өмірге тым қымбат баға төлеу керек болатынын естен шығармаңыз. Өткен өтті, кетті, ол жоқ: оны босатыңыз. Міне, біздің барлық қайғы-қасіреттерімізді, көңілсіз болуымызды және сәтсіздіктерімізді шешудің керемет құпиясы: олардан (өткен шақ) арылыңыз. Оларды санаңыздан алып тастаңыз, бақытты өмірге бос аймақты қалдырып, өткеннің қоқыстарын тазалаңыз және олардың қазіргі уақытта сізбен екендігі туралы ойдан бас тартыңыз. Көрдіңіз бе, олар өмір сүре алатын жалғыз орын – бұл сіздің санаңыз.

Қазіргі уақыт, қазіргі сәт қызықты және таңғажайып нәрселерге толы, бұл әрбір адам үшін уақытты дұрыс пайдалануға берілген керемет мүмкіндік. Адам, өзінің рухани күшін және бар өмірін қазіргі уақытта, қазіргі сәтте өлі нәрсеге жұмсау ақымақтық. Өткенді қалдырыңыз. Оны босатыңыз. Өзіңізді еркіндікке шығараңыз. Ескі күнә-қателіктердің, сәтсіздіктердің және соған ұқсас оқиғаларды қайтадан еске түсіріп, қабірлерді тонауға бармаңыз. Жаңа күн бар, яғни болашақ бар. Оның жақсы болатынына қуанып, бақытты болуды үйреніңіз. Өткенді өткенде қалдырыңыз.

Сіз бүгін мен қазір үшін жаралдыңыз, одан басқа уақыт сізде жоқ, сіз «бүгіндер» мен «қазірлердің» тізбегінде өмір сүріп жатсыз, өткен кеш, болашақ жабық.

Бүгінгі күн ең бақытты күн, ең сәтті күн, сіздің өміріңіздегі ең табысты күн. Егер сіз өткеннен босатылған болсаңыз, онда сіз ақиқатқа бір табан жақындағыныңызды біліңіз!

Сананың ең тиімді қаруы

Сіз өзіңіздің газоныңызды тырнақ алатын қайшымен кесуге немесе консерві банкаларын бәкімен ашуға тырысасыз ба? Әрине, жоқ. Сіз таба алатын немесе сатып алуға болатын ең тиімді құралдардың көмегімен ғана үй жұмыстарымен нәтежиелі айналыса аласыз.

Бірақ бұның бәрі өмірде қалай жүзеге асырылады? Сіз өз өміріңізде қандай құралдарды қолданасыз? Байқайсыздар ма, біздің әрбір ой, әрбір сөз және әрбір әрекет біздің физикалық жағдайымызға (денсаулығымызға) әсер етеді, қоршаған ортаны және адамдарды таңдауға әсер етеді, біздің кіммен сөйлесіп, кіммен қарым-қатынас орнатып жүргенімізге әсер етеді. Егер осының нәтижесінде біз бақытсыздық, сәтсіздік, ауру, кедейлік (т.б.) деп аталатын нәрселерге өзімізді алып келсек, онда біз ақылмен дұрыс таңдау жасап, шешім қабылдамағанымыздың салдарынан. Еріксіз болса да, бұл сіздің өз санаңызды қалай қолданатыныңыздың дәлелі.

Біздің әрқайсымызда жасампаздықтың орасан зор тетігі (механизм) бар. Сіз оны ой мен қиялдың сарайы деп атасаңыз да болады. Онда біз қалағанымызды жасау үшін қолданатын материалдар бар. Біз өз ойларымызды дұрыс жолда қалыптастыруда қолданатын қарулардың ең тиімдісі – бұл қиялдың күші немесе біз оны әдетте жай қиялдау деп атаймыз. Бұл қиялдың күші, Құдай берген барлық қабілеттер жиынтығы, ең бастысы біздің басқаруымызда және бақылауымызда. Кейде біздің бейнелерімізді жасаушы, біздің қиялымыз бізбен қатал әзілдер ойнайтын сияқты көрінуі мүмкін, өйткені ол біздің сөздеріміз бен істерімізді байқап, өз қалауымызбен байланыстыра алмайды, сол себепті адам арман-мақсаттарын тастайды, себебі біздің көпшілігіміздің сөзіміз ісімізге сай келмейді немесе сөздеріміз істерімізден озып кетеді.